წინანდალში ზაალ სულაკაურის სამხატვრო სტუდიის მოსწავლეთა გამოფენა გაიხსნა

18 მაისს ალ.ჭავჭავაძის წინანდლის სახლ-მუზეუმის ღია გალერეაში ზაალ სულაკაურის სამხატვრო სტუდიის მოსწავლეებმა წარმოადგინეს ნახატები, რომლებიც წინანდალში ვიზიტით გამოწვეულ შთაბეჭდილებებს გადმოგვცემენ. მუზეუმის სტუმრებს საშუალება ეძლევათ გაეცნონ "პატარა" მხატვრების თვალით დანახულ სალვადო დალის შემოქმედებასა და ალ. ჭავჭავაძის კარ-მიდამოს არაჩვეულებრივ სამყაროს.

ვრცლად »

განათლებისა და მეცნიერების სამინისტროში ცენტრის პრეზენტაცია გაიმართა

17 აპრილს განათლებისა და მეცნიერების სამინისტროში გაიმართა შეხვედრა დედაქალაქის სკოლის დირექტორებთან. შეხვედრაზე ისინი გაეცნენ ცენტრის საქმიანობის დეტალებს, მის პროგრამებსა და წინადადებებს.

განათლებისა და მეცნიერების მინისტრმა დიმიტრი შაშკინმა შესავალ სიტყვაში აღნიშნა, რომ მუზეუმში ვიზიტი და იქ არსებული საგანმანათლებლო რესურსების გამოყენება სწავლის პროცესში ბავშვის ინტელექტუალურ განვითარებას შეუწყობს ხელს.

იხილეთ სამინისტროს ვებ გვერდზე
იხილეთ საზოგადოებრივი მაუწყებლის სიუჟეტი

ვრცლად »

ალექსანდრე ჭავჭავაძის სახლ-მუზეუმში წინანდლის საგანმანათლებლო ცენტრი დაფუძნდა

27.03.2010

საგანმანათლებლო ცენტრის ერთ-ერთი დამაარსებელი საქართველოს განათლებისა და მეცნიერების სამინისტროა. ცენტრის მისია მუზეუმში საგანმანათლებლო საქმიანობის გააქტიურება, თანამედროვე საგანმანათლებლო ტექნოლოგიების დანერგვა და სამუზეუმო აუდიტორიის გაფართოებაა.

წინანდლის საგანმანათლებლო ცენტრში რამდენიმე პროგრამის განხორციელებაა დაგეგმილი. ცენტრში იფუნქციონირებს საგანმანათლებლო სალონი, ჩატარდება განათლების კვირეულები, გამოფენები და კონკურსები. აღსანიშავია პროგრამა ”ვისწავლოთ მუზეუმში”, რომელიც გულისხმობს სკოლების მიერ სხვადასხვა სახის საგანმანათლებლო აქტივობების განხორციელებას მუზეუმის ტერიტორიაზე.

განათლებისა და მეცნიერების მინისტრი მიესალმა მსგავს ინიციატივას და აღნიშნა, რომ მუზეუმში ვიზიტი და იქ არსებული საგანმანათლებლო რესურსების გამოყენება სწავლის პროცესში ბავშვის ინტელექტუალურ განვითარებას შეუწყობს ხელს.

მინისტრი მოუწოდებს სხვა მუზეუმებსაც დანერგოს მსგავსი მოდელი, რათა მოსწავლეებისთვის უფრო საინტერესო და პროდუქტიული გახდეს სწავლის პროცესი.

ვრცლად »

წინანდალიში სალვადორ დალის გამოფენა გაიხსნა

7 აპრილიდან - 6 ივნისის ჩათვლით წინანდლის სტუმრები შეძლებენ მუდმივ ექსპოზიციასთან ერთად უდიდესი სიურეალისტის სალვადორ დალის შემოქმედებასაც გაეცნონ.

აღნიშნული გამოფენა საშუალებას მისცემს მოსწავლეებსა და მასწავლებლებს კიდევ უფრო გაამრავალფეროვნონ სწავლის პროცესი და ხელოვნების შესწავლის კუთხით ეროვნული სასწავლო გეგმით დასახული ამოცანების მიღწევა სახალისო და საინტერესო გახადონ.

დალის გამოფენის შესახებ უფრო მეტი ინფორმაცია შეგიძლიათ რუსთავი ორის სიუჟეტიდან შეიტყოთ.

აქვე გთავაზობთ ბმულებს სალვადორ დალის შემოქმედებისა და ცხოვრების შესახებ მეტი ინფორმაციის მოსაპოვებლად, რაც დაგეხმარებათ საგანმანათლებლო აქტივობების უკეთ დაგეგმვაში:

http://www.salvador-dali.org/en_index.html

http://www.salvadordalimuseum.org/

ვრცლად »