მისია

წინანდლის საგანმანათლებლო ცენტრის მისიაა:

მუზეუმში საგანმანათლებლო საქმიანობის გააქტიურება, თანამედროვე საგანმანათლებლო ტექნოლოგიების (მეთოდების) დანერგვა და სამუზეუმო აუდიტორიის (ვიზიტორების, დამთვალიერებლების) გაფართოება. ამ მიზნით ცენტრი მოწოდებულია საერთო ინტერესები გამონახოს და პარტნიორული ურთიერთობები დაამყაროს განათლების სისტემის ყველა სუბიექტთან. დაგეგმოს და განახორციელოს სასწავლო და მიზნობრივი პროგრამები, ჩაატაროს კონფერენციები, სემინარები და სხვა თემატური ღონისძიებები.

ვრცლად »

საგანმანათლებლო სალონი

მიზანი:

• პარტნიორული ურთიერთობების დამყარება სასწავლო დაწესებულებებთან;
• საგანამანათლებლო დაწესებულებებისათვის საშეღავათო პაკეტის შექმნა და შეთავაზება;
  
• ერთობლივი პროექტების განხორციელება;
• თემატური ღონისძიებების ჩატარება;
  
• წინანდლის სახლ-მუზეუმისა და და სიახლეების შესახებ ინფორმაციის გავრცელების ეფექტური სისტემის შექმნა;
• წლის განმავლობაში ექსკურსიების რაოდენობის განსაზღვრის შესაძლებლობის გაზრდა;

პროგრამის აღწერა

საგანმანათლებლო სალონი უნდა წარმოადგენდეს სკოლების, უმაღლესი სასწავლებლებისა და სხვა საგანმანათლებლო დაწესებულებების კლუბური ტიპის, ორივე მხარისათვის ხელსაყრელ გაერთიანებას. საგანმანათლებლო სალონის წევრები უნდა სარგებლობდნენ გარკვეული პრივილეგიებითა და შეღავათებით სახლ-მუზეუმთან ურთიერთობაში. ხოლო, თავის მხრივ დაწესებულებები უნდა იღებდნენ ვალდებულებას გარკვეული აქტივობების განხორციელებასა და/ან მონაწილეობაზე (მაგ. ექსკურსიების მოწყობა წინანდალში, კონფერენციაში მონაწილეობა და ა.შ.).

ძირითადი საქმიანობა

სალონი თავის საქმიანობის ფარგლებში ახორციელებს შემეცნებით-საგანმანათლებლო პროექტებს, ატარებდეს კონკურსებსა და ტრენინგ-სემინარებს. არის ინიციატორი და ორგანიზატორი ხელოვნების თანამედროვე მოღვაწეთა და სკოლის მოსწავლეთა შეხვედრების, ლიტერატურული საღამოების, კონკურსების, ახალგაზრდა შემოქმედთა გამოფენების და სხვა კულტურულ-საგანმანათლებლო ღონისძიებების. გასცემს სიგელებსა და სერტიფიკატებს პროგრამაში ყველაზე აქტიურად ჩართული სკოლებისათვის, მოსწავლეებისა და მასწავლებლებისათვის.

სალონის წევრობა

წინანდლის საგანმანათლებლო სალონში გაწევრიანება ხდება, მხოლოდ წევრობის მსურველი საგანმანათლებლო დაწესებულების მხრიდან გარკვეული პირობების შესრულების შემდეგ და არ არის მხოლოდ საგანმანათლებლო დაწესებულების სურვილზე დამოკიდებული. წევრობისათვის აუცილებელი პირობები არის მარტივი და ადვილად მისაღწევი (მაგ. შიდა სასკოლო კონფერენციის მოწყობა წინანდალზე, წინანდლის საგანმანათლებლო კვირეულში მონაწილეობა და ა.შ.)

ვრცლად »

საექსკურსიო აქტივობების მაგალითები

იმისათვის, რომ წინანდალში ექსკურსია კიდევ უფრო სახალისო და შემეცნებითი გახდეს გთავაზობთ საექსკურსიო აქტივობების მაგალითებს. დამატებითი კითხვების გაჩენის ან საკუთარი აქტივობების შემოთავაზების სურვილის შემთხვევაში მოგვწერეთ!

• ფოტო-მოთხრობა;
• ტურისული სააგენტო;
• დღიური წარსულიდან;
• ძეგლის ტურისტული ბროშურა;
  
• ჩვენი გავლენა გარემოზე;
• წინანდლის ქვესტი;
• ტყის ეკოსისტემის კვლევა;
• პირველადი დახმარება;
• ტალანტების შოუ;

ვრცლად »

ტალანტების შოუ

<<უკან დაბრუნება

მიზანი

მოსწავლეებში სივრცის გააზრების, ლიტერატურასთან მუშაობის, სიმულაციების ფლობის, არტისტიზმის განვითარება.

ექსკურსიამდე

მასწავლებელი ავალებს მოსწავლეებს, რომ მოამზადონ ლიტერატურული ნაწარმოები, სკეტჩი, მოკლე პიესა. მოსწავლეებმა უნდა მოამზადონ ეს ნაწარმოები იმის გააზრებით, რომ მათ შემდეგ უკვე ექსკურსიის დროს უნდა წარმოადგინონ ეს ნაწარმოები იმ ადგილის გათვალისწინებით, სადაც ექსკურსია ტარდება. მასწავლებელი წინასწარ აგროვებს ინფორმაციას იმის შესახებ თუ რა თემასთან და რა ფორმით აპირებს მოსწავლე საკუთარი შესაძლებლობების ჩვენებას. მაგ. ექსკურსია ტარდება წინანდალში, მოსწავლეებმა შეიძლება მოამზადონ სკეტჩი, მოკლე ნაწარმოები, ლექსი, სიმღერა, რომელიც დაკავშირებულია წინანდალთან. სასურველია, რომ მოსწავლეები არ შეიზღუდონ იმაში, თუ რამდენად აირჩევენ ისინი არსებულ ნაწარმოებს, თუ შექმნიან საკუთარს.

ექსკურსიაზე

დანიშნულების ადგილას მისვლისას, მასწავლებელი აძლევს მოსწავლეებს საკმარის დროს, რომ მოამზადონ საკუთარი ნამუშევრები. მოსწავლეებმა უნდა შეარჩიონ ის ადგილები სადაც მათ აქვთ სურვილი საკუთარი ნამუშევარი წარმოადგინონ.

მოსწავლეები წარმოადგენენ საკუთარ მომზადებულ ნაწარმოებებს. მოკლე შესავალ სიტყვაში მათ უნდა წარმოადგინონ საკუთარი დასაბუთება, თუ რატომ შეარჩიეს მათ ის კონკრეტული ადგილი. მოსწავლეებს მასწავლებელი აფრთხილებს, რომ ისინი შეფასდებიან მათი მსმენელებისა და მაყურებლების მიერ.

ექსკურსიის შემდეგ

მოსწავლეებმა უნდა დაწერონ რეპორტაჟები ტალანტების შოუს შესახებ, აიღონ ერთმანეთისგან ინტერვიუები, აღწერონ პრეზენტაციების შინაარსი, ადგილი და მაყურებლის შთაბეჭდილებები.

<<უკან დაბრუნება

ვრცლად »